(明報)2010年4月29日 星期四 05:10
【明報專訊】歐洲債務危機持續擴散，評級機構標準普爾昨下調西班牙長期主權信貸評級，由原來的AA+下調至AA，評級前景為「負面」，歐元應聲跌至 1年新低。身處危機核心的希臘，昨日宣布即日起禁止沽空股市兩個月，阻止股市崩盤。英美傳媒報道，國際貨幣基金組織計劃增撥100億歐元（1031億港元）助希臘紓困。
IMF擬增撥1000億紓困
IMF總裁卡恩（Dominique Strauss-Kahn）昨與歐洲央行行長特里謝（Jean-Claude Trichet）趕到德國柏林，游說德國國會議員支持拯救希臘事宜。德國一直抗拒援助希臘，但在標普把希臘主權評級降至「垃圾級」後，德國政府與國會的態度有所軟化。德國財長昨亦稱，國會最快可能在5月7日決定拯救希臘。德國反對派領袖與特里謝會面後則稱，歐盟與IMF未來3年對希臘的援助可能高達「1000億至1200億歐元」。
歐盟和IMF雖承諾在未來3年向希臘提供援助，但一直未透露具體金額，只承諾在首年撥出450億美元 ，歐盟負責其中300億。《金融時報》和《華爾街日報》昨報道，IMF計劃將其首年援助希臘的金額，由150億歐元增加至250億歐元。
市場憂債務重組 希臘債息狂飈
歐盟與IMF派定心丸，令歐美金融市場昨日回穩。葡萄牙開市早段雖急跌6.5％，但其後明顯反彈。希臘宣布即日起至6月底禁止沽空股票，股市大幅低開後回穩。但希臘債市持續大幅波動，2年期國債孳息昨日最多升至逾38厘。短債息飈升，反映了市場愈來愈擔心即使獲得歐元區和IMF的援助，希臘仍可能需要進行債務重組。標普稱，若希臘出現債務違約，債權人只能收回30％至50％的投資金額，即最多可能會虧損2000億歐元。不過，歐盟委員會官員堅稱，在希臘政府、歐盟相關機構和IMF於雅典進行的談判中，債務重組並不在考慮範圍之內。
葡萄牙矢言對抗「投機性攻擊」
面對資金撤走，葡萄牙總理蘇格拉底（Jose Socrates）和反對黨領袖昨日召開緊急會議後宣布，該國將加速削減政府開支，並聲言會對抗「投機性攻擊」。歐盟主席范龍佩（Herman Van Rompuy）宣布，歐元區國家領袖將於下月10日召開緊急會議，商討希臘債務危機。
華爾街日報/金融時報/彭博通訊社
Sunday, May 09, 2010
am730孫柏文 - 歐央行瘋了！
希臘及其他南歐國嘅債務危機，喺上周末卒之「解決」。大家唔好以為，係嗰啲咩國際貨幣基金組織(IMF)、歐盟聲稱會俾嘅好多千億歐元救希臘方案。
咁嘅救市方案永遠都有個死穴，就係錢從何來？若要它國的國民、納稅人救希臘，喺民主政治成熟的國家係很難嘅，咁救完希臘再救西班牙、葡萄牙等，又邊會再有錢？若我係借貸過度嘅政府，都想有枝魔術棒，一揮就有錢還、有錢使。有魔術棒，就唔使俾啲民選國會阻住晒，你啲67歲先退休嘅德國人唔肯救啲60 歲就可以有政府老人金嘅希臘人？冇問題。魔術棒呢，就只係喺小朋友童話世界先有。我哋成年人世界，就唔係叫嗰個神奇變錢器做魔術棒，而係叫做印鈔機。係咁印，係咁印。
點解孫柏文話希臘、南歐問題已「解決」？因為歐央行做咗個小改動。不過呢個小改動，係登陸月球太空人岩士唐嗰隻，即係one small step for歐央行、one giant fall for歐元。
呢個小改動，就係之前，如果銀行手緊，可攞抵押品俾歐央行去當，不過歐央行冇「二叔公」驗貨睇價嘅能力，所以就將工作外判俾啲信貸評級公司。啲抵押品嘅信貸評級要達標，歐央行先會受。歐央行剛宣布從本周起，任何希臘國債，都毋須再要信貸評級，都可做抵押品借錢。仲要金額係票面值計。
今時今日，你用例如100蚊問希臘政府買張每年有8厘息嘅十年期國債。跟住就將張債券俾歐央行當抵押品借錢，歐央行即時俾100蚊你，每年收1厘息，不過希臘政府仲係俾8厘利息你，你淨賺7厘。跟住你又攞歐央行借俾你嘅100蚊，又買多張年息8厘嘅希臘國債，又再俾歐央行當抵押品借錢，不斷咁做。你原先嗰100蚊，分分鐘有好多倍利潤。打個比如，有個地產發展商賣危樓，仲要係好多貨。但佢就同買家講話會租番做佢公司嘅辦公室，每年俾相等如購入價8 厘嘅租。跟住你就攞張地契做按揭，銀行俾你做十成同只收1厘息，以前銀行會派人驗樓，但依家唔使，你要賺仲唔瘋狂循環咁買樓？
你問邊間銀行會咁唔錫住啲資本？有，咪就係可亂印鈔票嘅歐央行囉！亂印鈔票令現金持有人被秘密地剝削，不過債仔就靜悄悄減債。未有歐元前，啲南歐國好鍾意咁做，所以要氹現金持有人買佢隻貨幣，連短息都要高。
歐元已等於葡萄牙埃斯庫多、西班牙比塞塔、希臘德拉克馬。倘若嗰啲貨幣得1厘息，仲唔不斷兌美元？如果你仲未，快啲沽歐元啦！歐央行已簽歐元嘅死亡令，依家只係等德國人民發難，德國脫離歐元區。第一站係歐元兌美元一兌一，一注獨沽歐元！
作者為前石油業證券分析員，視股市為終身學習場所，不斷交學費。
咁嘅救市方案永遠都有個死穴，就係錢從何來？若要它國的國民、納稅人救希臘，喺民主政治成熟的國家係很難嘅，咁救完希臘再救西班牙、葡萄牙等，又邊會再有錢？若我係借貸過度嘅政府，都想有枝魔術棒，一揮就有錢還、有錢使。有魔術棒，就唔使俾啲民選國會阻住晒，你啲67歲先退休嘅德國人唔肯救啲60 歲就可以有政府老人金嘅希臘人？冇問題。魔術棒呢，就只係喺小朋友童話世界先有。我哋成年人世界，就唔係叫嗰個神奇變錢器做魔術棒，而係叫做印鈔機。係咁印，係咁印。
點解孫柏文話希臘、南歐問題已「解決」？因為歐央行做咗個小改動。不過呢個小改動，係登陸月球太空人岩士唐嗰隻，即係one small step for歐央行、one giant fall for歐元。
呢個小改動，就係之前，如果銀行手緊，可攞抵押品俾歐央行去當，不過歐央行冇「二叔公」驗貨睇價嘅能力，所以就將工作外判俾啲信貸評級公司。啲抵押品嘅信貸評級要達標，歐央行先會受。歐央行剛宣布從本周起，任何希臘國債，都毋須再要信貸評級，都可做抵押品借錢。仲要金額係票面值計。
今時今日，你用例如100蚊問希臘政府買張每年有8厘息嘅十年期國債。跟住就將張債券俾歐央行當抵押品借錢，歐央行即時俾100蚊你，每年收1厘息，不過希臘政府仲係俾8厘利息你，你淨賺7厘。跟住你又攞歐央行借俾你嘅100蚊，又買多張年息8厘嘅希臘國債，又再俾歐央行當抵押品借錢，不斷咁做。你原先嗰100蚊，分分鐘有好多倍利潤。打個比如，有個地產發展商賣危樓，仲要係好多貨。但佢就同買家講話會租番做佢公司嘅辦公室，每年俾相等如購入價8 厘嘅租。跟住你就攞張地契做按揭，銀行俾你做十成同只收1厘息，以前銀行會派人驗樓，但依家唔使，你要賺仲唔瘋狂循環咁買樓？
你問邊間銀行會咁唔錫住啲資本？有，咪就係可亂印鈔票嘅歐央行囉！亂印鈔票令現金持有人被秘密地剝削，不過債仔就靜悄悄減債。未有歐元前，啲南歐國好鍾意咁做，所以要氹現金持有人買佢隻貨幣，連短息都要高。
歐元已等於葡萄牙埃斯庫多、西班牙比塞塔、希臘德拉克馬。倘若嗰啲貨幣得1厘息，仲唔不斷兌美元？如果你仲未，快啲沽歐元啦！歐央行已簽歐元嘅死亡令，依家只係等德國人民發難，德國脫離歐元區。第一站係歐元兌美元一兌一，一注獨沽歐元！
作者為前石油業證券分析員，視股市為終身學習場所，不斷交學費。
Subscribe to:
Posts (Atom)